برطانیہ میں فلسطینیوں کی حمایت میں نکبہ مارچ، ہزاروں افراد کی شرکت
برطانیہ میں فلسطینیوں کی حمایت میں نکبہ مارچ کیا گیا۔
سرزمین فلسطین سے فلسطینیوں کی جبری بے دخلی کے 77 سال پورے ہونے پر لندن سمیت برطانیہ کے مختلف شہروں میں ہزاروں افراد نے ریلیاں نکالیں۔
ریلی کے شرکا نے اسرائیل سے فلسطینیوں کا قتلِ عام بند کرنے اور فلسطینیوں کی زمین واپس کرنے اور حکومتِ برطانیہ سے اسرائیل کو ہتھیاروں کی فروخت فوری روکنے کا مطالبہ بھی کیا۔
دوسری جانب سعودی عرب نے غزہ میں فوری جنگ بندی کا مطالبہ کیا ہے اور فلسطینی عوام کی جبری بے دخلی کی کوشش کو یکسر مسترد کر دیا ہے۔