تہران کے ایک اسکول کے طلباء اور فارغ التحصیل افراد کے ایک گروپ نے امام حسین علیہ السلام کی اربعین زیارت کے لیے روانگی سے قبل رہبر معظم انقلاب آیت اللہ العظمی آقائے خامنہ ای کو ایک خط لکھا ہے اوران طلباء کے خط کے جواب پر رہبر معظم انقلاب اسلامی نے لکھا کہ آپ کی زیارت قبول ہو۔
آیت اللہ خامنہ ای کا کہنا تھا کہ اس مقدس مشی (پیدل سفر) میں توجہ اور توسل کو ہرگز فراموش نہ کریں اور ساتھ ساتھ سید الشہداء علیہ الصلوٰۃ والسلام کی جدوجہد اور اس کے مقصد اور خدا کی عطا کردہ نعمتوں پر غور و فکر کرنے کا موقع ہاتھ سے جانے نہ دیں۔ اس عظیم قربانی کا ہدف مقصد ہر مومن کا ہدف ہونا چاہیے۔اس سلسلے میں اللہ تعالی سے کامیابی اور ہدایت مانگیں اور اس مقصد کی راہ میں ثابت قدم رہیں۔