عوام اور تاجر برادری نے پر امن ہڑتال کی، میں عوام ، تاجر برادری، وکلا، علماء اور ٹرانسپورٹرز کا شکریہ ادا کرتا ہوں، امیر جماعت اسلامی
ہڑتال نے حکومت کو پیغام دیا ہے کہ عوام سابق حکومتوں کے معاہدے تسلیم نہیں کرتے،اشرافیہ نے ان معاہدوں کا فائدہ اٹھایا، عوام کو نقصان ہوا، قوم کو ان مصنوعی معاہدوں کے ذریعے اندھیروں کی طرف دھکیل دیا گیا۔
خبریں ہیں کہ حکومت 90 روپے فی یونٹ بجلی کرنا چاہتی ہے،افسوس ہے کہ نگراں وزیراعظم نے بجلی بلوں میں اضافے اور مہنگائی کو نان ایشو قرار دیا،حکومت عوام کے زخموں پر نمک پاشی کر رہی ہے۔
مہنگی بجلی خریدنا حکومت کا جرم ہے ،عوام کیوں بھگت رہے ہیں؟،حکومت کا ملک پر کنٹرول ختم ہوگیا، کسی کو لوگوں کے میٹر اتارنے کی اجازت نہیں دیں گے۔
جماعت اسلامی ملک کے غریبوں کا دفاع کرے گی،جس کا میٹر اتارا جائے وہ ہمیں اطلاع کرے،حکومت بلوں کے ذریعے لوٹ مار کر رہی ہے ،بجلی کے بلوں ، پیٹرول اور ڈیزل کی قیمتوں میں کمی کی جائے۔