ایک گروہ خفیہ بلیو ٹوتھ ڈیوائسز کے ذریعے مختلف ہالوں میں بیٹھے طلبہ و طالبات کو ٹیسٹ حل کرانے کیلئے خفیہ طور کانوں میں لگاکر پرچہ آوٹ کر ارہا تھا۔
بلیو ٹوتھ ڈیوائس کے ذریعے پرچہ آوٹ اور حل کرانے کے لاکھوں روپے طلبہ سے بٹورے گئے۔ اطلاع ملتے ہی ایٹا کے اعلی حُکام کو اس بابت متنبیہ کیا،انیلا محفوظ درانی
ہدایات ملتے ہی ایٹا اسٹاف نے صوبے کے تمام ہالوں پر انٹری کے وقت خصوصی چیک بڑھا دیا اور خصوصی چیک کے دوران عملے نے اپنے فون کا بلیو ٹوتھ آن کرکے بلیو ٹوتھ ڈیوائسز کا سُراغ لگایا۔
ایٹا کی مدعیت میں نقل کرنے والے طلباء کے خلاف ایف آئی آر درج کی گئی جس میں 419 اور 420 کی دفعات شامل ہیں۔ مقدمہ نقل کرنے والے 20 خواتین سمیت 43 طلباء کے خلاف درج کیا گیا۔
مقدمات تھانا شرقی، فقیر آباد اور پہاڑی پورہ میں درج کیے گئے۔ امتحانی ہال میں مذکورہ طلباء سے بلیو ٹوتھ ڈیوائس برآمد ہوئے تھے۔