ویتنام کے رہائشی اپارٹمنٹ کی پہلی منزل کی پارکنگ میں خوفناک آگ بھڑک اُٹھی، 3 بچوں سمیت 30 افراد بری طرح جھلس کر ہلاک ہوگئے ، درجنوں موٹر سائیکلیں جل کر خاکستر ہوگئیں۔
آگ نے دوسری اور تیسری منزل کو بھی اپنی لپیٹ میں لے لیا،امدادی ٹیم نے آگ میں پھنسے 70 افراد کو بحفاظت نکال لیا، 54 افراد کو اسپتال منتقل کیا گیا ۔
اسپتال انتظامیہ کا کہنا ہے کہ ہلاکتیں بری طرح جھلس جانے اور دم گھٹنے کے باعث ہوئیں۔ زخمیوں میں سے 9 کی حالت نازک ہونے کے سبب ہلاکتوں میں اضافے کا خدشہ ہے۔