عراق کے بڑے شہروں میں آبادی کے بحران سے نمٹنے کی کوششوں اور بنیادی ڈھانچے اور خدمات پر اس سے پیدا ہونے والے زبردست دباؤ کے باعث، عراقی وزیر تعمیرات، ہاؤسنگ اور عوامی بلدیات، بنگین ریکانی نے انکشاف کیا کہ عراق میںتعمیر کیلئے 20 سے زیادہ نئے رہائشی شہروں کے ڈیزائن مکمل ہو چکے ہیں۔
وزارت کی پہلی کانفرنس میں اپنی تقریر کے دوران( جس کا عنوان تھا ’ہاؤسنگ بحران کا حکومتی پروگرام اور حل) بنگین ریکانی نے زور دیا کہ ہاؤسنگ انفراسٹرکچر کے بگاڑ نے ہاؤسنگ بحران کو جنم دیا۔بنگین ریکانی نے وضاحت کی کہ 20 نئے شہروں میں سے تین بغداد گورنری میں تعمیر کیے جائیں گے۔
عراقی وزیر نے اشارہ کیا کہ عراق میں آبادی 2003 کے بعد سے دوگنی ہو گئی ہے اور شہری علاقوں میں رہنے والے عراقی دیہی علاقوں کے مقابلے میں 70 فیصد آبادی کی نمائندگی کرتے ہیں جس کی وجہ سے شہروں پر دباؤ اور کچی بستیاں ابھر رہی ہیں۔ریکانی نے وضاحت کی کہ 2003 سے حکومتی فنڈنگ سے تعمیر کیے گئے ہاؤسنگ یونٹس کی تعداد 7,000 سے کم ہے۔
عراقی عہدیدار نے نوٹ کیا کہ نئے شہر رہائش کے مسئلے کو حل کرنے میں بہت مدد کریں گے۔ماہرین کا خیال ہے کہ ان شہروں کی تعمیر جاری رکھنے سے 43 ملین سے زیادہ آبادی والے ملک میں رہائش کے بگڑتے ہوئے مسئلے کو حل کیا جائے گا، روزگار کے مواقع پیدا ہوں گے اور عراقی شہروں میں بھیڑ ختم ہو گی۔