فلسطینی وزیرخارجہ ریاض المالکی نے مطالبہ کیا کہ جنگ اور جارحیت بندکی جائے اور غزہ پٹی کےشہریوں کوبنیادی ضروریات فوری فراہم کی جائیں۔
مشترکہ اعلامیہ کے مطابق جنگ جاری رہنےکی صورت میں انسانی مسائل اور المناک صورتحال پیدا ہوسکتی ہے
اعلامیے کے مطابق دوران اجلاس وزرائےخارجہ نے غزہ میں کشیدگی اور بگڑتی صورتحال کاجائزہ لیا اور اسرائیل کی جانب سے فلسطینی شہریوں کو نشانہ بنانے کی مذمت کی گئی۔
اعلامیے کے مطابق اجلاس کے دوران غزہ میں جنگ بندی کے لیےعالمی برادری سے فوری کارروائی کا مطالبہ کیا گیا۔
اعلامیے میں کہا گیا ہےکہ جنگ جاری رہنےکی صورت میں انسانی مسائل اور المناک صورتحال پیدا ہوسکتی ہے لہٰذا عالمی برادری جنگ بند کرانے اور خطےکو خطرے سے بچانےکے لیے فوری اقدامات کرے۔
اعلامیے کے مطابق اجلاس میں غزہ کی ناکہ بندی ختم کرنے اور انسانی امدادکی ترسیل کی فوری اجازت دینے کا مطالبہ بھی کیا گیا۔