فلسطین کی خود مختار انتظامیہ کے وزیر خارجہ ریاض المالکی نے کہا کہ بچوں کے قتل عام اور گھروں کو منہدم کرنے سے امن قائم ہوگا نہ ہی غاصب صیہونی حکومت کو تحفظ ملے گا،فلسطینیوں کے قتل عام کی روک تھام کے سلسلے میں اقوام متحدہ کی سلامتی کونسل کی مسلسل ناکامی قابل قبول نہیں ہے۔
حالیہ دنوں میں امریکہ نےغزہ پر غاصب صیہونی حکومت کے حملوں کو روکنے سے متعلق روس کی جانب سے پیش کی جانے والی قرارداد کو ویٹو کر دیا تھا۔
امریکی حکام اس بات کے مدعی ہیں کہ غزہ میں جنگ بندی حماس کے مضبوط ہونےکا باعث بنے گی، غزہ میں ہر خاندان مصیبت زدہ اورغمگین ہے لیکن ان کےساتھ کسی طرح کی ہمدردی دیکھنے میں نہیں آ رہی ہے۔
ایک ہزار فلسطینی ابھی تک ملبے تلے دبے ہوئے ہیں، غزہ میں دو ملین افراد پر بمباری کی جا رہی ہے اور غزہ میں ایندھن اور امدادی سامان میں کسی بھی طرح کی تاخیرغزہ کے باشندوں کی نابودی کے مترادف ہے۔