غاصب صیہونی حکومت نے فلسطینی عوام کے خلاف وحشیانہ جارحیت کا سلسلہ جاری رکھتے ہوئے مغربی کنارے کے شہر جنین میں ایک اور فلسطینی جوان کو شہید کر دیا۔
رپورٹ کے مطابق جمال حمران نامی یہ فلسطینی جوان، مغربی کنارے کے شہر جنین میں عرابہ کے علاقے میں غاصب صیہونی حکومت کے جارح فوجیوں اور فلسطینی جوانوں کے درمیان ہونے والی جھڑپ میں شہید ہوا۔
عرابہ میں جارح صیہونی فوجیوں نے فلسطینیوں پر اندھادھند فائرنگ شروع کر دی جس کے جواب میں فلسطینیوں نے مزاحمت کا مظاہرہ کرتے ہوئے صیہونی فوجیوں پر حملہ کیا۔
غزہ کے نہتھے اور مظلوم عوام کے خلاف غاصب صیہونی حکومت کی وحشیانہ جارحیت میں اب تک گیارہ ہزار سے زائد فلسطینی شہید ہو چکے ہیں جبکہ صرف جنین کیمپ پر صیہونی جارحیت میں دس سے زائد فلسطینی شہید اور پندرہ دیگر زخمی ہوئے ہیں۔