قومی کرکٹ ٹیم کے کپتان بابر اعظم نے سوشل میڈیا پر اپنی پوسٹ میں کہا کہ تمام فارمیٹ میں قومی ٹیم کی قیادت سے دستبردار ہورہا ہوں، تینوں فارمیٹ میں بطور کھلاڑی ٹیم کیلئے کھیلتا رہوں گا اور اپنے تجربے کی بنیاد پر نئے کپتان کا ساتھ دوں گا۔
کپتانی چھوڑنے کا فیصلہ مشکل تھا مگر یہی درست وقت ہے، میری قیادت میں پاکستان ٹیم نے ون ڈے میں نمبر ون رینکنگ حاصل کی، وائٹ بال کرکٹ میں ٹیم کا نمبر ون بننا تمام کھلاڑیوں کی محنت کا نتیجہ تھا۔ پاکستانی ٹیم کی قیادت کا موقع دینے پر بورڈ کا شکرگزار ہوں۔