رکن پارلیمان ناز شاہ نےبرطانوی پارلیمنٹ میں اسلاموفوبیا پر بحث کے دوران کہا ہے کہ اسلاموفوبیا بڑھنے کے سبب برطانوی مسلمان ملک چھوڑنے سے متعلق سوچنے پر مجبور ہو گئے ہیں۔
مسلمان برطانیہ میں اپنے بچوں کے مستقبل کے حوالے سے پریشان ہیں، برطانیہ چھوڑنے کی استطاعت رکھنے والے ملک چھوڑ کر جا رہے ہیں، حکومتی اعداد و شمار مسلمانوں پر حملوں کے گواہ ہیں مگر حکومت اسلاموفوبیا کو تسلیم کرنے کو بھی تیار نہیں۔
برطانوی رکن پارلیمنٹ افضل خان نے مطالبہ کیا کہ حکومت اسلاموفوبیا سےمتعلق آل پارٹیز پارلیمنٹری گروپ کی تجویزکردہ تعریف اپنائے۔
ٹوری رکن پارلیمنٹ رحمان چشتی نے اپنے خطاب میں مطالبہ کیا کہ حکومت اسلاموفوبیا کا جائزہ لینے کیلئے انڈیپینڈنٹ ایڈوائزر مقرر کرے۔