میڈیا رپورٹ کے مطابق عراق کی اسلامی مزاحمت نے بتایا ہے کہ اسلامی مزاحمت کے جیالوں نے شام کے جنوب میں واقع الحسکہ کی الشدادی امریکی چھاونی پر ڈرون سے حملہ کیا ہے۔
ڈرون طیارے باریک بینی سے نشانے پر لگے اور یہ حملہ غزہ پٹی میں صیہونی جرائم کے جواب میں کیا گيا ہے،اس سے قبل بھی عراق اور شام میں امریکی چھاونیوں پر عراقی مزاحمت نے بارہا راکٹ اور ڈرون حملے کئے ہیں۔
جمعرات کی صبح بھی جنوب مشرقی شام میں واقع گيس فیلڈ کونیکو میں امریکی ٹھکانے اور اس کے کچھ گھنٹے بعد التنف اور الرکبان فوجی اڈوں پر، جہاں امریکی فوجی تعینات ہيں، ڈرون حملے کئے گئے تھے۔