الیکشن کمیشن کے ترجمان کے مطابق چیف الیکشن کمشنر سکندر سلطان راجہ اور ممبران الیکشن کمیشن نے ملازمین کی المناک وفات پر گہرے دکھ اور رنج کا اظہار کرتے ہوئے واقعے کی تحقیقات کا حکم جاری کیا ہے۔
واضح رہے کہ گزشتہ روز کندھ کوٹ کے الیکشن کمیشن آفس میں پراسرار طور پر الیکشن آفیسر، 2 ڈیٹا انٹری آپریٹر اور ایک سب اسسٹنٹ سمیت 4 ملازمین جاں بحق ہو گئے تھے۔
ملازمین کی اموات گیس لیک ہونے سے ہوئی تھیں، ملازمین ای ایم ایس میں پولنگ عملے کی ڈیٹا انٹری کررہے تھے، ملازمین پر ڈیٹا انٹری جلد مکمل کرنے کا دباؤ تھا۔
الیکشن کمیشن کے مطابق جاں بحق ملازمین میں الیکشن افسر مشتاق مگسی، ڈیٹا انٹری آپریٹر فرید احمد، ڈیٹا انٹری آپریٹر ماجد علی اور عبدالرؤف شامل ہیں۔