صیہونی حکومت نے حماس کے شہید رہنما صالح العاروری کی دو بہنوں کو حراست میں لے لیا۔
عرب میڈیا کے مطابق فلسطینی حکام نے صیہونی فوج کی جانب سے حماس کے شہید رہنما صالح العاروری کی دو بہنوں کو حراست میں لینے کی تصدیق کی ہے۔
صیہونی فوج کی جانب سے جاری بیان میں کہا گیا ہےکہ فوجی اہلکاروں نے اتوارکے روز مقبوضہ مغربی کنارے سے دو خواتین کو حراست میں لیا ہے۔
صیہونی فوج نے حراست میں لی جانے والی خواتین پر ریاست کے خلاف دہشتگردی میں ملوث ہونے کا الزام عائد کیا۔
میڈیا رپورٹس کے مطابق صالح العاروری کے بہنوئی کا کہنا ہےکہ صیہونی حکام نے فیملی کی دو خواتین سمیت دیگر افراد کو حراست میں لیا ہے۔
اس حوالے سے فلسطین پرزنر کلب نے کہا ہےکہ صیہونی فوج نے رام اللہ کے نزدیک سے دو خواتین کو گرفتار کیا جن میں 52 سالہ دلال العاروری اور 47 سالہ فاطمہ العاروری شامل ہیں۔
صیہونی فوج نے یہ بھی الزام عائد کیا ہےکہ العاروری خاندان 7 اکتوبر کو صیہونی حکومت پر ہونے والے حملے کا مددگار ہے جس کے نتیجے میں 1100 سے زائد فلسطینی مارے جاچکے ہیں۔
صیہونی حکومت نے حماس کے نائب سربراہ کو 2 جنوری کو بیروت میں ایک ڈرون حملے میں شہید کیا جس کے بعد حماس اور صیہونی حکومت کے درمیان جاری لڑائی میں شدت آگئی۔
واضح رہےکہ 7ا کتوبر سے جاری لڑائی میں اب تک 23 ہزار 800 سے زائد فلسطینی شہید ہوگئے ہیں جن میں بچے اور خواتین بھی شامل ہیں۔