لاہور: سابق وزیراعظم اور مسلم لیگ (ن) کے صدر شہباز شریف کا کہنا ہے کہ بانی پی ٹی آئی نے قوم کے ساتھ بددیانتی نہ کی ہوتی تو آج جیل میں نہ ہوتے۔
اگر 9 مئی کا واقعہ نہ ہوا ہوتا تو بانی پی ٹی آئی آج انتخابی مہم میں ہوتے، ان کی خواہش ہے کہ انتخابات میں بلا ہوتا لیکن دنیا نے دیکھا کہ عدالت نے اس معاملے میں جو ثبوت ان سے مانگا وہ پیش نہیں کیا جاسکا۔
انتخابات میں جو بھی جیتے ، دعا ہے کہ اسے سادہ اکثریت ملے تاکہ وہ فیصلے کرسکے، سادہ اکثریت پاکستان کی ضرورت ہے ، سروے بتا رہے ہیں کہ پنجاب میں (ن) لیگ سب سے آگے ہے۔