شیر افضل مروت نے پارٹی ترجمان رؤف حسن پر الزامات لگاتے ہوئے کہا تھا کہ رؤف حسن نگران حکومت میں موجود اپنے بھائی فوادحسن فواد کیلئےکام کر رہے ہیں۔
رؤف حسن سازشی ہیں، پارٹی میں دراڑیں ڈالنے میں مصروف رہتے ہیں، پہلے انہیں وکلا کی ٹیم سے نکالا گیا اور پھر انتخابی مہم چلانے سے بھی روک دیا گیا ہے۔
لیکن شام میں شیر افضل مروت نے اعلان کیا تھا کہ وہ سندھ میں انتخابی مہم جاری رکھیں گے،بعد ازاں انہوں نے کراچی کے علاقے چنیسر گوٹھ میں ورکرز کنونشن میں خطاب بھی کیا تھا۔
تاہم اب شیرافضل مروت کو سندھ میں سیاسی سرگرمیاں معطل کرنےکی ہدایت کی گئی ہے اور انہیں اسلام آباد طلب کر لیا گیا ہے۔