اسلامی استقامتی تحریک حماس کے فوجی بازوعزالدین القسام بریگیڈ نے صیہونی فوج کا ایک ٹینک تباہ ہونے کی خبر دی ہے۔
ارنا نے پیر کو رپورٹ دی ہے کہ القسام بریگیڈ نے آج اعلان کیا ہے کہ الیاسین راکٹ نے مغربی خان یونس ميں صیہونی حکومت کے ایک مرکاوا ٹینک کو نشانہ بنایا ہے۔
غزہ پر صیہونی حکومت کے وحشیانہ حملوں کو ایک سو آٹھ دن گذر چکے ہیں تاہم شہر خان یونس میں فلسطینی استقامت اور صیہونی فوجیوں کے درمیان شدید جنگ جاری ہے ۔ ایک سو آٹھ دن گذرنے کے باوجود صیہونی حکومت حیرانی و جنونی کیفیت کے عالم میں غزہ کے مظلوم و نہتھے عوام کا قتل عام جاری رکھے ہوئے ہے اور اس کے باعث عالمی رائے عامہ میں مزید قابل نفرت ہوگئی ہے اور دنیا بھر میں اس کی مذمت کی جا رہی ہے ۔