نگران وفاقی حکومت نے 14ونڈ پاور پلانٹس کو 20 ارب روپے کی ادائیگیاں روک دی ہیں، تحقیقات میں ونڈ پاورپلانٹس کی اضافی لاگت پکڑی گئی تھی مگر عملدرآمدنہیں ہوا۔
پاور پلانٹس پہلے ٹیرف کم کرتے ہوئے نیا معاہدہ کریں پھر ادائیگیاں ہونگی،ونڈ پاور پلانٹس سے ٹیرف کم کرانے کے لیے 5 رکنی کمیٹی قائم کردی گئی۔
کمیٹی کو شوگرملز کے پاورپلانٹس کا ٹیرف کم کرانے کا ٹاسک بھی سونپ دیا گیا ہے، کابینہ کمیٹی برائے توانائی کا اجلاس بھی 26 جنوری کو طلب کرلیا گیا ہے۔
کمیٹی نیلم جہلم پن بجلی منصوبےکے باعث مظفرآبادکو درپیش پانی کی قلت پربھی غور کرےگی، اس کے علاوہ بجلی کے مسابقتی باہمی ٹریڈنگ معاہدوں اور گردشی قرض پر رپورٹ بھی پیش کی جائے گی۔