القسام بریگیڈ نے غزہ میں صیہونی جنگی قیدیوں کا پیغام نیتن یاہو کی حکومت کےلئے نشر کردیا ہے،تحریک حماس کے فوجی بازو القسام بریگیڈ نے رات تین صیہونی خاتون قیدیوں کا ویڈیو پیغام نشر کیا ہے۔
جس میں یہ صیہونی قیدی خواتین نیتن یاہو کابینہ سے خود کو جلد رہا کرانے کا مطالبہ کر رہی ہیں۔ یہ قیدی خواتین نتن یاہو سے غزہ کے خلاف جنگ بند کرنے اور صیہونی قیدیوں کو ان کے گھروں کو واپس پہنچنے کی تدابیر اپنانے کا مطالبہ کررہی ہیں۔
ان صیہونی خواتین قیدیوں نے صیہونی شہریوں سے نیتن یاہو کابینہ پر دباؤ ڈالنے کی غرض سے مظاہرے جاری رکھے جانے کی ضرورت پر بھی زور دیا۔
ان صیہونی قیدی خواتین نے کہا کہ وہ تل ابیب کے میزائل حملوں اور بمباری کی زد میں ہیں اور کبھی بھی ہلاک ہوسکتی ہیں اس لئے غزہ کی جنگ فوری طور پر روک دی جائے۔