نوشہرہ سے این اے 34 اور پی کے87 سے پی ٹی آئی کے قومی و صوبائی اسمبلی کے امیدوار سابق ضلعی ناظم داؤد خٹک، پرویز خٹک اور ان کے امیدوار کے حق میں دستبردار ہوگئے۔
پرویز خٹک نے نوشہرہ میں جلسے سے خطاب اور پریس کانفرنس کرتے ہوئے کہا کہ اصل تماشہ انتخابات کے بعد ہوگا، 25 سے 30 تحریک انصاف کے حمایتی امیدوار میرے ساتھ رابطے میں ہیں، صوبے میں حکومت بنانےکے لیے اتحاد کا فیصلہ وقت آنے پرکروں گا۔
ہماری تجویز ہے پرامن انتخابات کے لیے تمام سکیورٹی اداروں کو محنت کرنی چاہیے، الیکشن کے لیے تیاری مکمل ہےکسی کو دھاندلی کرنے نہیں دیں گے۔
عدلیہ نےکسی کے دباؤ میں نہیں بلکہ بانی پی ٹی آئی کے خلاف تمام فیصلے آئین و قانون کے مطابق کیے ہیں، بانی پی ٹی آئی اور ان کی اہلیہ پرجرم ثابت ہوگیا ہے جس کی سزا ان کو بھگتنی ہوں گی۔