ترجمان الیکشن کمیشن مانیٹرنگ سیل ہارون شنواری نے کہا ہے کہ ملک بھر میں پولنگ کا عمل پر امن طور پر جاری ہے اور کنٹرول روم میں ابتک کوئی شکایت موصول نہیں ہوئی۔
الیکشن کمیشن کا مرکزی الیکشن مانیٹرنگ کنٹرول سینٹر مکمل طور پر فعال ہے، چیف الیکشن کمشنر سکندر سلطان راجہ مرکزی الیکشن مانیٹرنگ کنٹرول سینٹر میں موجود ہیں۔
ملک بھرمیں قائم ریجنل اور ڈسٹرکٹ مانیٹرنگ کنٹرول سینٹرزکے ساتھ ہر وقت رابطہ ہے، چیف الیکشن کمشنر الیکشن کے عمل کی بذات خود نگرانی کر رہے ہیں۔
مرکزی کنٹرول سینٹر اسلام آباد سے پورے ملک میں انتخابات کی مانیٹرنگ کی جارہی ہے ، پولنگ کا عمل پرامن طور پر جاری ہے ، کنٹرول روم میں ابتک کوئی شکایت موصول نہیں ہوئی ۔