عراقی استقامت نے حیفا بندرگاہ میں صیہونی حکومت کی کیمیکل فیکٹری پر ڈرون حملہ کیا ہے-
ارنا کی رپورٹ کے مطابق عراقی استقامت نے اپنے بیان میں اعلان کیا ہے کہ غزہ پٹی میں غاصب صیہونی حکومت کی جانب سے فلسطینیوں کی نسل کشی کے جواب میں مقبوضہ فلسطین میں حیفا بندرگاہ کی کیمیاوی تنصیبات کو ڈرون حملے کا نشانہ بنایا ہے-
اسرائیلی میڈیا نے اس سے قبل پہلی بار حیفا بندرگاہ میں خطرے کا الارم بجنے کی تصدیق کرتے ہوئے اس بندرگاہ میں صیہونی فوج کا دفاعی سسٹم فعال ہونے اور اس علاقے کی فضا میں کسی مشکوک چیز کا پتہ چلنے کے بعد دھماکے کی خبردی تھی-
عراق کی اسلامی استقامت ، فلسطینی استقامت کی حمایت اور غزہ میں صیہونی حکومت کے جرائم کی امریکہ کی جانب سے ہمہ گیر حمایت کی مذمت کے ساتھ ہی عراق و شام میں امریکی فوجی اڈوں نیز مقبوضہ علاقوں کو اپنے ڈرون اور میزائلی حملوں کا نشانہ بناتی رہی ہے-