ایرانی فورسز نےآبنائے ہرمز میں صیہونی کمپنی کے پرتگالی جہازپرقبضہ کرلیا۔
صیہونی میڈیا کے مطابق پرتگالی جہاز ’ایم ایس سی ایریز‘ صیہونی ارب پتی ایال اوفر کی کمپنی کا ہے۔
بھارتی میڈیا نے دعویٰ کیا ہے کہ جہاز پر سترہ بھارتی، دو پاکستانی، چار فلپائنی، ایک روسی اور استونیا کا ایک باشندہ سوار ہے۔
ایرانی سرکاری میڈیا کا کہنا ہے ایرانی بحریہ کے خصوصی دستوں نے ہیلی کاپٹر کا استعمال کرتے ہوئے جہاز کو قبضے میں لیا، قبضے میں لیےگئے جہاز کو اب ایرانی سمندری حدود میں منتقل کیا جارہا ہے۔ ایرانی بحریہ نے جہاز پر اس وقت قبضہ کیا جب وہ متحدہ عرب امارات سے 80 کلومیٹر دور آبنائے ہرمز میں سفر کر رہا تھا۔