استنبول: ترکیہ کے صدر رجب طیب اردوان کا کہنا ہے کہ مشرق وسطیٰ کشیدگی میں حالیہ اضافے کے ذمہ دار صیہونی وزیراعظم ہیں۔
غیر ملکی خبر رساں ادارے کے مطابق ایک بیان میں طیب اردوان نے کہا کہ مغربی ممالک کا صیہونی حملے کو بھول کر صرف ایرانی حملے کی مذمت کرناقابل مذمت ہے۔
انہوں نے کہا کہ دمشق میں ایرانی سفارتخانے پر حملہ کرکے صیہونی حکومت نے عالمی قانون اور ویاناکنونشن کی خلاف ورزی کی، صیہونی حکومت کی جارحیت پرخاموش رہنے والے ایرانی حملے کی مذمت میں آگے آگے ہیں۔
طیب اردوان کا کہنا تھا کہ مشرق وسطیٰ کشیدگی میں حالیہ اضافے کے ذمہ دار صیہونی وزیراعظم ہیں۔