امریکی ایوان نمائندگان نے صیہونی حکومت کے لیے 26 ارب ڈالر کی ہنگامی امداد کا بل منظور کرلیا۔
خبرایجنسی کے مطابق امریکی ایوان نمائندگان نے مجموعی طور پر 95 ارب ڈالر کی بیرونی امداد کا بل منظور کیا۔
امریکی ایوان نمائندگان نے یوکرین کی امداد کے لیے 61 ارب ڈالرکا بل منظور کیا تاکہ روس کے خلاف اس کے دفاع میں مدد کی جاسکے۔
امریکی ایوان نمائندگان نے صیہونی حکومت کی ہنگامی امدادکا بل منظور کیا جس کے تحت صیہونی حکومت کو 26 ارب ڈالر فراہم کیے جائیں گے۔
صیہونی میڈیا کے مطابق امریکی امداد میں 14 ارب ڈالر کی فوجی امداد بھی شامل ہے۔
اس کے علاوہ باقی 8 ارب ڈالر دیگر امریکی اتحادیوں کی امداد کے لیے منظور کیےگئے ہیں۔
اتحادیوں کی امداد کا بل اب منظوری کے لیے سینیٹ میں جائےگا۔
رپورٹ کے مطابق امریکا صیہونی حکومت کو ہر سال 3.8 ارب ڈالر کی فوجی امداد فراہم کرتا ہے۔
غزہ جنگ شروع ہونے کے بعد سے امریکا کی جانب سے صیہونی حکومت کی مالی اور فوجی امداد میں اضافہ ہوا ہے۔
امریکا صیہونی حکومت کو 6 ماہ بعد بھی جنگ بندی پر راضی نہ کرسکا اور اس کی آشیر باد سے صیہونی حکومت نے غزہ میں قتل عام جاری رکھا ہوا ہے۔
6 ماہ سے زائد جاری صیہونی حملوں میں 34 ہزار سے زیادہ فلسطینی شہید ہوچکے ہیں۔