پریس ذرائع نے جنوبی شام میں اس ملک کے فضائی دفاعی سسٹم کی جانب سے صیہونی حکومت کے فضائی حملے کا مقابلہ اور اس حملے کو ناکام بنائے جانے کی خبر دی ہے۔
روسی خبر رساں ایجنسی اسپوتنک اور یمن کے المسیرہ ٹی وی چینل کے حوالے سے ارنا کی رپورٹ کے مطابق غاصب صیہونی حکومت نے شام کے صوبے درعا اور نامر کے درمیان واقع شام کے دفاعی سسٹم کو میزائل حملے کا نشانہ بنانے کی کوشش کی جبکہ صیہونی حکومت کی اس جارحیت کا مقابلہ کرتے ہوئے شام کے دفاعی سسٹم نے اس حملے کو ناکام بنا دیا۔
شام کے سرکاری ذرائع نے ابھی اس حملے کے بارے میں کوئی رپورٹ نہیں دی ہے۔