ذرائع وزارت خزانہ کے مطابق آئی پی پیز کو ادائیگیوں کاحجم 1800 ارب روپےتک پہنچ گیا ہے جب کہ توانائی شعبےکاگردشی قرضہ 2310 ارب روپے کی سطح تک پہنچ گیا۔
نجی نیوز چینل کے مطابق کہ آئی پی پیز کا وزارت توانائی اور وزارت خزانہ پر فوری ادائیگیوں کیلئے دباؤ ہے، آئی پی پیز نے ادائیگیوں کیلئے رقم کا اجرا کرنے اور فیول سپلائی بہتر کرنے کا مطالبہ کیا ہے۔
آئی پی پیز کو ادائیگیوں میں تاخیر کرنے سے توانائی کی پیداوار میں کمی کا خدشہ ہے اور ادائیگیوں میں تاخیر سے لیٹ پیمنٹ سرچارچ عائد ہونے کا بھی خدشہ ہے۔
آئی پی پیز کو ادائیگیوں کیلئے تقریباً 140ارب روپے رواں ہفتے جاری کیے جانے کا امکان ہے، توانائی کے شعبےکا گردشی قرضہ بھی 2310 ارب روپے کی سطح تک پہنچ چکا ہے۔