صیہونی فوج نے حماس کی واپسی کو روکنے کا بہانہ بناکر شمالی غزہ میں 4 بڑے فضائی حملے کردیے۔
شمالی غزہ کو چند ماہ قبل صیہونی فوج نے آپریشن کے بعد محفوظ علاقہ قرار دیا تھا تاہم اب ایک بار پھر صیہونی فوج نے شمالی غزہ پر 4 بڑے فضائی حملے کردیے ہیں۔
غیر ملکی خبر رساں ادارے کے مطابق صیہونی فوج کا کہناہے کہ مقصد شمالی غزہ میں حماس کی واپسی روکنا ہے۔
دوسری جانب القسام بریگیڈز نے شمالی غزہ میں کئی صیہونی فوجیوں کو ہلاک اور زخمی کرنے کا دعویٰ کیا ہے۔
واضح رہے کہ 7 اکتوبر سے اب تک فلسطینی شہدا کی مجموعی تعداد 35 ہزار سے اوپر چلی گئی ہے۔
مزید برآں جنوبی افریقا نے عالمی عدالت میں صیہونی حکومت کے خلاف غزہ میں نسل کشی کا مقدمہ دائر کردیا ہے، ترکیے کے بعد مصر نے بھی صیہونی حکومت کے خلاف فریق بننے کا اعلان کر دیا ہے۔