صیہونی حکومت نے عالمی عدالت انصاف کا رفح میں فوجی آپریشن روکنے کا فیصلہ ماننے سے انکار کر دیا۔
عالمی عدالت انصاف نے جمعہ کو صیہونی حکومت کو رفح میں فوجی آپریشن روکنے کا حکم دیا۔
عالمی عدالت انصاف میں رفح میں صیہونی آپریشن رکوانے کے لیے جنوبی افریقا کی درخواست پر فیصلہ سنایا گیا۔
عالمی عدالت نے فیصلہ 2-13 کی اکثریت سے سنایا، درخواست پر فیصلہ عالمی عدالت انصاف کے جسٹس نواف سلام نے پڑھ کر سنایا۔
فیصلے میں کہا گیا کہ صیہونی فوج کوغزہ کےعلاقےرفح میں فوجی کارروائیاں فوری طورپرروکنی ہوں گی،غزہ پٹی کےشہری انتہائی تشویشناک حالات سےدوچارہیں۔
عدالت نے فیصلے میں یہ بھی کہا کہ صیہونی حکومت فوری طور پر رفح کی بارڈر کراسنگ کو کھولے۔
تاہم صیہونی حکومت نے عالمی عدالت انصاف کا فیصلہ ماننے سے انکار کر دیا۔
غیر ملکی میڈیا رپورٹس کے مطابق صیہونی وزیرخزانہ اسمٹریچ کا کہنا ہے کہ جنگ بندی کے حکم پر کسی صورت عملدرآمد نہیں کیا جاسکتا۔
صیہونی وزیر خزانہ نے کہا کہ غزہ پٹی میں جنگ روکنے کا مطلب صیہونی حکومت کو صفحہ ہستی سے مٹانا ہے، وقت حماس کے ساتھ کھڑے ہونے والوں کو بے نقاب کرے گا۔