فلسطین کی مزاحمتی تنظیم حماس نے غزہ میں صیہونی فوجیوں کو قیدی بنانے کا دعویٰ کیا ہے۔
غیر ملکی میڈیا کے مطابق حماس کے مسلح ونگ عزالدین القسام بریگیڈز کے ترجمان ابو عبیدہ نے کہا کہ تنظیم کے جنگجوؤں نے غزہ کے جبالیہ کیمپ میں لڑائی کے دوران متعدد صیہونی فوجیوں کو ہلاک کیا اور کئی کو قیدی بنایا۔
القسام بریگیڈز کے ترجمان ابو عبیدہ کا کہنا ہے کہ حماس کے جنگجوؤں نے صہیونی فوج کو ایک سرنگ کے اندر گھات لگانے کے لیے آمادہ کیا اور پھر کئی صیہونی فوجیوں کو ہلاک اور زخمی کردیا جبکہ صیہونی فوجیوں کو قیدی بھی بنا لیا۔
میڈیا رپورٹس کے مطابق حماس کے مسلح ونگ کے ترجمان کی جانب سے قیدی بنائے گئے صیہونی فوجیوں کی تعداد کے حوالے سے کسی قسم کی معلومات فراہم نہیں کی گئیں۔
ادھر صیہونی فوج کی جانب سے حماس کے فوجیوں کو قیدی بنانے کے دعویٰ کی تردید کی گئی ہے۔
واضح رہے 7 اکتوبر سے ہونے والے صیہونی حملوں میں اب تک 35 ہزار سے زائد فلسطینی شہید ہوچکے ہیں جن میں بڑی تعداد میں بچے اور خواتین شامل ہیں۔