صیہونی فوج نے رات گئے غزہ میں مختلف پناہ گزین کیمپوں پر حملے کیے جن میں مزید 22 فلسطینی شہید ہوگئے۔
عرب میڈیا کے مطابق رات گئے قابض صیہونی فوج نے غزہ کے خان یونس شہر اور رفح میں گھروں پر حملے کرکے خواتین اور بچوں سمیت 12 افراد کو شہید کیا۔
رپورٹ کے مطابق خان یونس شہر کے مشرقی حصے میں صیہونی فوج نے پناہ گزین کیمپ پر حملہ کیا جس کے نتیجے میں بچوں سمیت 10 افراد شہید ہوئے۔
عرب میڈیا کے کا کہنا ہے کہ صیہونی حکومت فوج نے رفح شہر کے مختلف علاقوں پر بھی حملے کیے جس کے نتیجے میں جانی نقصان کی اطلاع ہے مگر ہلاکتوں کی ٹھیک تعداد معلوم نہیں ہوسکی ہے۔
فلسطینی نیوز ایجنسی وفا کے مطابق صیہونی حکومت نے رات گئے ہی نصیرت اور البریج پناہ گزین کیمپوں پر بھی حملے کیے جس کے نتیجے میں 10 افراد شہید ہوئے۔
فلسطینی وزارت صحت کا بتاناہےکہ صیہونی حملوں میں شہید فلسطینیوں کی تعداد 36 ہزار سے زائد ہوگئی جب کہ صیہونی حملوں میں اب تک 82 ہزار سے زائد فلسطینی زخمی ہو چکے ہیں۔