وزیر خزانہ محمد اورنگزیبچین میں پاک بزنس فورم سے خطاب کرتے ہوئے کہا کہ مہنگائی کی شرح میں واضح کمی آئی ہے، پاکستان کے تمام معاشی اشاریے درست سمت پر گامزن ہیں۔
توقع ہے کہ مہنگائی کی مناسبت سے شرح سود میں کمی آئےگی اور اس میں ریلیف ملے گا، حکومت کی ساری توجہ معاشی اور اقتصادی اصلاحات کے ایجنڈے پر مرکوز ہے۔
نائب وزیراعظم و وزیر خارجہ اسحاق ڈار نے بھی پاک بزنس فورم سے خطاب کیا، انہوں نے کہا کہ پاکستان میں آئی ٹی، زراعت اور معدنی وسائل سمیت مختلف شعبوں میں سرمایہ کاری کے بے پناہ مواقع موجود ہیں۔
ایس آئی ایف سی کے تحت کاروباری شعبے اور سرمایہ کاروں کی حوصلہ افزائی کے لیے اقدامات کر رہے ہیں، پاکستان میں 84 اداروں کی نجکاری پر غور جاری ہے۔