چیئرمین پاکستان پیپلز پارٹی بلاول بھٹو زرداری نے کہا کہ الیکشن کو بہت مہینے ہوگئے، پانچویں بار جیتے ہیں، لیکن وزرا اور ارکان اسمبلی میں سستی نظر آرہی ہے، اب سے وزرا اور ارکان اسمبلی کام کرتے نظر آنے چاہیے۔
بلاول بھٹو نے کہا کہ کھلی کچہریاں لگائیں، صرف من پسند لوگوں سے نہیں بلکہ عوام سے رائے لیں اور حلقوں میں جائیں،ترقیاتی اسکیمیں نہیں بلکہ عوامی رابطے انتخاب جتواتے ہیں۔
ٹرانسفر اور پوسٹنگ کی سیاست بند ہونی چاہیے، میرٹ پر اچھے افسروں کو چنیں جو کام بھی کریں، کچھ وزرا اور ارکان اسمبلی کی رپورٹس اچھی ملتی ہیں، کچھ کی رپورٹس اتنی اچھی نہیں مل رہیں۔ آپس کی لڑائیوں کا نقصان حکومت کو نہیں ہونا چاہیے، ٹیم ورک کی حوصلہ افزائی ہونی چاہیے۔