تحریک انصار اللہ کے سیکرٹری جنرل سید عبدالملک بدر الدین الحوثی نے اپنے خطاب میں کہا کہ فلسطینی قوم کے خلاف جاری تمام صہیونی جرائم میں ایک شراکت دار کی حیثیت سے امریکہ کا کردار بدستور جاری ہے۔
یمنی رہنما نے کہا کہ امریکیوں کی یہ بھی کوشش ہے کہ وہ اپنے ملک کے اندر اسرائیل کی حمایت پر مبنی واشنگٹن کی پالیسیوں کی مخالفت میں کوئی آواز نہ اٹھے۔ تحریک انصار اللہ کے سربراہ نے امریکہ کے دوغلے پن اور دوہرے معیارات کا ذکر کرتے ہوئے کہا کہ امریکی جو اپنے نعروں اور دعووں میں کہتے تھے کہ وہ ججوں کا احترام کرتے ہیں۔
اب وہ بین الاقوامی فوجداری عدالت اور اس کے عملے اور ججوں کے خلاف پابندیاں لگا رہے ہیں، غزہ پٹی میں دوسو چوالیس روز ہو گئے کہ صیہونیوں کے ہاتھوں فلسطینیوں کی نسل کشی ہو رہی ہے اور ایک ہفتے میں صیہونیوں نے اکیس سو افراد کو شہید اور زخمی کیا ہے جن میں زیادہ تر خواتین اور بچے ہیں۔
انہوں نے فلسطینی مزاحمتی تنظیموں کی حیرت انگیز کارکردگی کا ذکر کیا اور کہا کہ فلسطینی مجاہدین صیہونی حکومت کے خلاف تمام محاذوں پر ثابت قدمی اور پامردی کے ساتھ ڈٹے ہوئے ہیں اور انہوں نے صیہونی حکومت کو بھاری جانی و مالی نقصان پہنچایا ہے۔