نجی نیوز چینل کی رپورٹ کے مطابق نادہندہ سرکاری محکموں کے 8 کروڑ 21 لاکھ 15 ہزارسے زائد روپے واجب الادا ہیں اور یہ محکمے واسا کے پانی کے وسائل استعمال کرکے بل ادا نہیں کرتے۔
محکمہ تعلیم کے ذمہ ایک کروڑ 34 لاکھ 8 ہزار، محکمہ پارکس اینڈ کلچر کے ذمہ ایک کروڑ 93 لاکھ سے زائد اور ٹی ایم اے کے ذمہ 3 کروڑ 28 لاکھ سے زائد روپے واجب الادا ہیں۔
پولیس بلڈنگ ڈپارٹمنٹ اور اسپورٹس بورڈ 71 لاکھ روپے، محکمہ صحت، میٹرو بس سروس اورپنجاب کوآپریٹیو ڈپارٹمنٹ ایک کروڑ سے زائد کے نادہندہ ہیں۔
ہاؤسنگ ڈپارٹمنٹ، آر ڈی اے اور پی ٹی سی ایل 3 کروڑ 65 لاکھ سے زائد کے نادہندہ ہیں جب کہ ڈسٹرکٹ الیکشن کمیشن، محکمہ جنگلات، واپڈا، انکم ٹیکس بھی واسا کے نادہندہ ہیں۔
واسا راولپنڈی نے تمام نادہندہ محکموں کو بقایا جات ادا کرنے کے نوٹس جاری کردیے ہیں۔