چیئر مین یوتھ پروگرام رانا مشہود نے کہا کہ آئندہ 2 سے 3 دن کے دوران لیپ ٹاپ سکیم کے حوالے سے فیصلوں پر مزید پیش رفت کی جائے گی
چیئر مین وزیراعظم یوتھ پروگرام رانا مشہود نے میڈیا سے بات چیت کے دوران اعلان کیا کہ حکومت آئندہ سال ‘لیپ ٹاپ سکیم فار آل سکیم کا اجراء کرکے تمام طلباء کو لیپ ٹاپ فراہم کرنے جا رہی ہے ۔
چیئر مین وزیراعظم یوتھ پروگرام نے بتایا کہ نئی سکیم کے تحت طلباء کو بلا سود بینکوں سے لیپ ٹاپس مہیا کیے جائیں گے ، لیپ ٹاپ فارآل سکیم کے تحت طلباء کو بلا سود قرضوں پرلیپ ٹاپ فراہم کیے جائیں گے۔
انہوں نے کہاکہ یہ اقدام طلباء کو جدید ٹیکنالوجی سے آراستہ کرنے کے لیے اٹھایا جا رہا ہے۔، پچھلے سال ہماری عبوری حکومت تھی جس کی وجہ سے طلباء کو لیپ ٹاپس نہیں دیے گئے۔
اب کی بار حکومت کو آئی ایم ایف کی کڑی شرائط کا سامنا ہے، مگر حکومت اس سال بجٹ میں لیپ ٹاپ سکیم کو بھی شامل کرے گی، آئندہ 2 سے 3 دن کے دوران لیپ ٹاپ سکیم کے حوالے سے فیصلوں پر مزید پیش رفت کی جائے گی۔