اسلام اآباد(شوریٰ نیوز)وزیرِ مملکت برائے پیٹرولیم مصدق ملک نے نجی میڈیا سےگفتگو کے دوران کہا کہ سیاسی جماعتوں کے درمیان تنازعات کو تھمنا ہو گا، رکنا ہو گا، ایسے تو کریانہ کی دکان نہیں چلتی، آپ ملک کیسے چلا سکتے ہیں؟ان کا کہنا ہے کہ گیس پر 1700 ارب روپے کا گردشی قرضہ تھا، ہم نے اس گردشی قرضے کو صفر کر دیا، ایل این جی پر بھی گردشی قرضے کو صفر کر دیں گے۔ روس سے سستا خام تیل آ رہا ہے، تاریخ میں پہلی بار 2 روسی وزیر 86 رکنی وفد کے ہمراہ پاکستان آئے، روس سے رعایتی قیمت پر تیل مل رہا ہے۔ حکومت کی جانب سے اہم فیصلے کیے جا رہے ہیں، حالات کو بہتر کرنے کے لیے مشکل فیصلے کیے جا رہے ہیں، آگے بڑھنے کے لیے ہمیں چھوٹے کاروبار کرنے والوں کو پروموٹ کرنا ہے۔ بجٹ میں چھوٹے کاروبار کرنے والوں کو سہولتیں دینے پر غور کر رہے ہیں، ہم نے تاپی گیس منصوبے سے سستی گیس لانی ہے، اس پر تیزی سے کام کر رہے ہیں۔ آٹو موٹو پالیسی کو بنائے کئی سال ہو چکے، آج تک ہم ایک انڈیکیٹر کا کور نہیں ایکسپورٹ کر سکے، میرے خیال میں ہماری آٹو موٹو پالیسی بہتر نہیں۔مزید مہنگی بجلی برداشت نہیں کر سکتے، عمران خان نے 190 ملین پاؤنڈز سپریم کورٹ کے اکاؤنٹ میں ڈلوا دیے، یہ 190 ملین پاؤنڈز پاکستان کے اکاؤنٹ میں آنے تھے۔ آئین سے ماورا اور قانون سے بالا تر کچھ نہیں ہونا چاہیے، 9 مئی کی ویڈیو کے ذریعے لوگوں کو شناخت کر کے پکڑا جا رہا ہے، نادرا سے تصدیق کے بعد لوگوں کو گرفتار کیا جا رہا ہے۔