وزیرداخلہ بلوچستان میر ضیا لانگو نے کوئٹہ میں میڈیا سے بات چیت کرتے ہوئے کہا ہے کہ مسلح جدوجہد کرنےوالوں کے ساتھ مذاکرات نہیں ہوسکتے، معصوم لوگوں کونشانہ بنانے والے راہ راست پر آجائیں تو ہی مذاکرات کر سکتے۔
آپریشن عزم استحکام پر بلوچستان حکومت کو اعتماد میں لیا گیا ہے، ایپکس کمیٹی کے فیصلوں پر من و عن عملدرآمد کیا جائے گا۔ گزشتہ رات خالق آباد میں ہونے والے حملے کے بعد آپریشن جاری ہے، مسلح افراد نے لیویز اور ایف سی چیک پوسٹ سمیت پی پی ایل کے کیمپ پرحملہ کیا، پی پی ایل کے اہلکاروں نے 2 سال قبل کام ختم کردیا تھا۔
حملے کے وقت لیویز کے 20 اہلکار جائے تعیناتی پر موجود تھے، لیویز اہلکاروں کو یرغمال بنانے کی کوشش بھی ناکام بنادی گئی، سکیورٹی فورسز نے دہشتگردوں کا بھرپور مقابلہ کیا، قلات میں بھی دہشتگردوں کے خلاف آپریشن جاری ہے، 2 لیویز اہلکار اس وقت بھی لاپتا ہیں۔
شعبان واقعے میں ملوث دہشتگردوں کے خلاف کارروائی جاری ہے، شعبان سے اغوا کیے گئے 3 افراد اپنے گھروں کو پہنچ چکے ہیں دیگر 7 مغویوں کو جلد بازیاب کرائیں گے، بلوچستان میں امن و امان کا مسئلہ ہے، بلوچستان کے شہری ہمارے ساتھ کھڑے ہوجائیں تو ایک ماہ کے اندر امن قائم ہوگا،وزیرداخلہ