ماسکو(شوریٰ نیوز) روس کے صدارتی پریس سکریٹری دیمتری پیسکوف نے کہا کہ یورپ کو اپنے مفاد کیلئے انسانی حقوق یاد آتے ہیں ، روس
۔درحقیقت یورپ انسانی حقوق کو ایک لچکدار شے سمجھتا ہے یورپ کو انسانی حقوق اور یورپی اقدار اُسی وقت یاد آتے ہیں جب وہ اپنا مفاد دیکھتا ہے۔ روس کے سرحدی علاقے بیلگوروڈ پر یوکرین کے حملوں پر مغرب کی خاموشی پر تبصرہ کرتے ہوئے میڈیا کو انٹرویو میں دیمیتری پیسکوف نے کہا کہ یورپ انسانی حقوق اور یورپی اقدار کو اپنے مفاد کیلئے ہی استعمال کرتا ہے۔درحقیقت یورپ انسانی حقوق کو ایک لچکدار شے سمجھتا ہے۔ جب کبھی انسانی حقوق اس کے مفاد کیخلاف جاتے ہیں تو وہ کبھی اس پر آواز نہیں اٹھاتا۔روسی حملے سے پہلے برسوں سے مغربی ممالک ڈونباس پر گولہ باری کے حملوں کو نظر انداز کر رہے تھے، جب تو وہاں کوئی خصوصی فوجی آپریشن نہیں تھا۔ یوکرین نے وہاں جوان، بوڑھے، عورتیں اور بچے مارے، بچوں کی قبروں کی قطاروں پر یہ مغرب آنکھیں بند کیے ہوئے تھا۔ ہم نے ان کی طرف سے مذمت کا ایک لفظ بھی نہیں سنا اور اب انسانی حقوق کی بات کرتے ہیں۔