بیجنگ(شوریٰ نیوز)چین، مٹی کا تودہ گرنے سے 60 مکانات تباہ، 14 افراد ہلاک، سر سبز پہاڑی علاقے میں دریا کنارے آباد گاؤں پر مٹی کا بڑا اور طاقتور تودا گرگیا ۔چین کے صوبہ سیچوان میں لینڈ سلائیڈنگ کے نتیجے میں کئی گھر تباہ ہوگئے جن کے ملبے تلے دب کر 14 افراد ہلاک ہوگئے جب کہ 5 لاپتا ہیں۔ چین کے صوبے سیچوان کے دارالحکومت چینگدو سے 240 کلومیٹر دور سر سبز پہاڑی علاقے میں دریا کنارے آباد گاؤں پر مٹی کا بڑا اور طاقتور تودا گرگیا جس میں 60 گھر تباہ ہوگئے۔ملبے تلے 20 کے قریب افراد دب گئے جن میں سے 14 کی لاشیں ریسکیو ٹیم نے نکال لیں جب کہ 5 دیگر افراد تاحال لاپتا ہیں جن کے زندہ ملنے کے امکانات معدوم ہوگئے۔ ہلاک ہونے والوں میں بچے اور خواتین بھی شامل ہیں۔