ضلعی انتظامیہ کےاعلامیے کے مطابق چیف کمشنر اسلام آباد کی زیر صدارت ہونے والے اجلاس میں پاکستان تحریک انصاف (پی ٹی آئی) کے اسلام آباد میں جلسےکا این او سی منسوخی کا فیصلہ کیا گیا۔
جس کے مطابق این او سی منسوخی کا فیصلہ ڈسٹرکٹ انٹیلی جنس کمیٹی کی رپورٹ پر کیا گیا ہے،بنگلادیش کرکٹ ٹیم اسلام آباد میں ہے، اس حوالے سے شدید سکیورٹی تحفظات ہیں۔
ضلعی انتظامیہ اسلام آباد کا کہنا ہےکہ جلسے کے ہجوم کو کنٹرول کرنا مشکل ہوجاتا ہے، چند دن قبل بھی مظاہرین سپریم کورٹ پہنچ گئے تھے، ان حالات میں جلسے کی اجازت نہیں دی جاسکتی۔
خیال رہے کہ تحریک انصاف نے اسلام آباد میں آج 22 اگست کو جلسے کا اعلان کر رکھا ہے۔