گورنر سندھ کامران ٹیسوری نے پریس کانفرنس کرتے ہوئےکہا ہے کہ 22 ماہ میں کئی بار عہدے سے ہٹانے کی بات کی گئی لیکن میں ان باتوں پر دھیان نہیں دیتا بلکہ مزید بہتر منصوبے شروع کر دیتا ہوں۔
انہوںنے کہا کہ اب تک ایک روپیہ بھی تنخواہ نہیں لی، فیملی کے اخراجات بھی خود برداشت کرتا ہوں، کارساز روڈ حادثے میں جاں بحق باپ بیٹی کے ورثا کے ساتھ کھڑے ہیں، ان کو وکیل کی آفر بھی کی ہے۔
حیدرآباد کے آئی ٹی ٹیسٹ میں 90 ہزار میں سے 54 ہزار بچے پاس ہو گئے ہیں، اگلا ٹیسٹ سکھر میں کریں گے،یاد رہے کہ چند روز قبل بھی گورنر سندھ کامران ٹیسوری کو عہدے سے ہٹا کر ان کی جگہ پاکستان ملسم لیگ ن سندھ کے صدر بشیر میمن کو گورنر لگائے جانے سے متعلق افواہیں گردش کرتی رہی تھیں۔