یمنی مجاہدوں کی کارروائیوں میں اسرائیل کے کتنے بحری جہازوں کو نقصان پہنچا، تفصیلات سامنے آگئیں

میڈیا ذرائع نے بتایا ہے کہ نومبر دوہزارئیس سے اب تک بحیرہ احمر میں یمنی افواج کی کارروائیوں میں غاصب صیہونی حکومت سے متعلق اسّی بحری جہازوں کو نقصان پہنچ چکا ہے۔

ارنا نے رپورٹ دی ہے کہ نومبر دوہزار تیئیس سے اب تک بحیرہ احمر میں یمنی افوج کے ڈرون اور میزائلی حملوں میں صیہونی حکومت سے تعلق رکھنے والے اسّی سے زائد بحری جہازوں کو نقصان پہنچ چکا ہے۔

اس رپورٹ کے مطابق بحیرہ احمر میں فلسطین کی حمایت میں یمنی افواج کی کارروائیوں میں غاصب صیہونی حکومت کے دو بحری جہاز غرق ہوچکے ہیں جبکہ ایک جہاز کو ضبط کر لیا گیا ہے۔

ارنا کے مطابق یمن کی مسلح افواج نے گزشتہ چند مہینوں کے دوران بحیرہ احمر، بحر ہند اور باب المندب میں غاصب صیہونی حکومت کے بحری جہازوں کے ساتھ ہی دیگر ملکوں کے ان بحری جہازوں کو بھی نشانہ بنایا ہے جو اس غاصب حکومت کے لئے سامان لے کر مقبوضہ فلسطین کی بندرگاہوں کی طرف جارہے تھے۔

یاد رہے کہ یمن کی مسلح افواج نے اعلان کررکھا ہے کہ جب تک غزہ پر غاصب صیہونی حکومت کے حملوں کا سلسلہ اور مظلوم فلسطینی عوام کا قتل عام بند نہیں ہوجاتا، اس وقت تک بحیرہ احمر میں غاصب صیہونی حکومت اوراس کے حامی اتحاد کے بحری جہازوں پر ہمارے حملے بھی جاری رہیں گے۔

امریکا اور برطانیہ اب تک غاصب صیہونی حکومت کی حمایت میں کئی بار یمن کے مختلف شہروں اورعلاقوں پر حملے کرچکے ہیں لیکن بحیرہ احمر میں غاصب صیہونی حکومت کا سمندری محاصرہ توڑنے میں کامیاب نہیں ہوسکے۔