میرپور،شیخوپورہ(شوریٰ نیوز)کوٹلی اور شیخوپورہ میں 2المناک بس حادثے،13افراد جاں بحق،نیریاں شریف زائرین کی بس کھائی میں جاگری، موٹروے فيض پورانٹرچينج کے قريب مسافر بس الٹ گئی تفصیلات کے مطابق آزاد کشمیر کے ضلع میرپور کے شہر کوٹلی میں ناڑ کے قریب زائرين کی بس کھائی میں گرنے سے 9 افراد جاں بحق اور 17 زخمی ہوگئے۔ریسکیو حکام کے مطابق نيرياں شريف کے عُرس سے واپس جانے والے زائرین کی بس ڈرائیور سے بے قابو ہوکر کھائی میں جاگری۔ ناڑ میں پیش آنے والے حادثہ میں نو زائرین جاں بحق 17 زخمی ہو گئے۔ریسکیو کے مطابق متاثرہ بس ميں 35 سے زائد زائرين سوارتھے۔ جاں بحق اورزخمی ہونے والے افراد کا تعلق گوجرانوالہ سے ہے۔ زخمیوں کوڈی ایچ کیو اسپتال میرپور منتقل کردیا گیا۔کمشنر میرپور ڈویژن اور دیگر حکام میرپور اسپتال پہنچ گئے ۔ اسپتال میں ایمر جنسی نافذ کردی گئی کئی زخمیوں کی حالت تشویشناک بتائی جاتی ہے۔دریں اثناشیخوپورہ میں موٹروے فيض پورانٹرچينج کے قريب مسافر بس الٹ گئی۔ حادثے ميں 4 مسافرجاں بحق جبکہ 30 سے زائد زخمی ہوگئے۔موٹروے پولیس کے مطابق مسافر بس کوٹ ادو سے لاہور آرہی تھی۔ فیض پورانٹرچینج کے قریب موڑ کاٹتے ہوے ڈرائیور بس پرکنٹرول نہ رکھ سکا جس کے باعث بس حادثے کا شکارہوگئی۔ریسکیو نے موقع پرپہنچ کرلاشوں کو لاہورکے میو اسپتال منتقل کیا جبکہ متعدد معمولی زخمیوں کو موقع پر ہی ابتدائی طبی امداد فراہمی کی گئی۔