ہرینی امر سوریا کو ایک بار پھر سری لنکا کی وزیراعظم مقررکردیاگیا ۔میڈیا رپورٹ کےمطابق سری لنکا کے صدر انورا کمارا ڈسانائیکے نے آج ہرینی امرسوریا کو سری لنکا کا وزیراعظم مقرر کیا۔
سری لنکن صدر جنہوں نے عام انتخابات میں 225 رکنی پارلیمنٹ میں 159 نشستیں حاصل کی تھیں ، تجربہ کار قانون ساز وجیتا ہیراتھ کو ایک بار پھر وزارت خارجہ کا کا قلمدان بھی سونپ دیا ۔صدر انورا کمارا نے حلف برداری کے دوران کسی نئے وزیر خزانہ کا نام نہیں لیا، جس سے یہ اشارہ ملتا ہے کہ وہ اہم مالیاتی قلمدان اپنے پاس رکھیں گے جیسا کہ انہوں نے ستمبر میں صدارتی انتخاب جیتنے کے بعد کیا تھا۔