سندھ ہائیکورٹ آئینی بینچ نے نواسی اور 3بیٹیوں کی بازیابی کیس میں ڈی ایس پی ایسٹ کراچی کو درخواست گزار کے ساتھ پنجاب جانے کا حکم دے دیا۔
سندھ ہائی کورٹ میں میں نواسی اور 3 بیٹیوں کی بازیابی کی درخواست کی سماعت ہوئی۔ پولیس نے تحقیقاتی رپورٹ عدالت میں پیش کردی۔ رپورٹ میں بتایا گیا کہ درخواست گزار کی 3 بیٹیاں پنجاب میں ہیں۔ ایک کیس میں سی کلاس چالان کے بعد مقدمہ خارج بھی ہوچکا ہے۔
عدالت نے ڈی ایس پی ایسٹ کو درخواست گزار کے ساتھ پنجاب جانے کا حکم دے دیا۔ عدالت نے ریمارکس دیئے کہ آپ درخواست گزار کو فوری اپنے ساتھ پنجاب لے جائیں۔ عدالت نے آئندہ سماعت پر پولیس سے پیشرفت رپورٹ طلب کرلی۔ دائر درخواست میں موقف اپنایا گیا تھا کہ 2017 سے 2019 کے دوران 3 بیٹیاں اور نواسی اغوا ہوئیں۔ بیٹیوں اور نواسی سے متعلق تاحال کچھ پتہ نہیں چلا ہے۔