اسلام آباد(شوریٰ نیوز)توہین الیکشن کمیشن کیس،فواد چوہدری کے وارنٹ گرفتاری معطل،عدالت نے الیکشن کمیشن کو 26 جولائی کے لیے نوٹس جاری کرکے جواب طلب کر لیا، ہائیکورٹ کے جسٹس طارق محمود جہانگیری نے سماعت کا تین صفحات پر مشتمل تحریری حکم نامہ جاری کیا جس میں عدالت نے فواد چوہدری کی یقین دہانی پر ناقابل ضمانت وارنٹ گرفتاری معطل کردیئے،اسلام آباد ہائیکورٹ نے توہین الیکشن کمیشن کیس میں فواد چوہدری کے ناقابل ضمانت وارنٹ گرفتاری معطل کردیئے۔عدالت نے اپنے تحریری حکم نامے میں کہا کہ فواد چوہدری 20 جولائی کو الیکشن کمیشن کے سامنے پیش ہوں اور الیکشن کمیشن کی کارروائی کی مصدقہ کاپی جمع کرائیں۔ عدالت نے الیکشن کمیشن کو 26 جولائی کے لیے نوٹس جاری کرکے جواب طلب کر لیا۔واضح رہےکہ الیکشن کمیشن نے عدم پیشی پر فواد چوہدری کے ناقابل ضمانت وارنٹ جاری کیے تھے جنہیں فواد چوہدری نے عدالت میں چیلنج کیا تھا۔