دفتر خارجہ نے مختلف ملکوں کے لیے نئے سفیروں کی تعیناتی کی سمری وزیراعظم شہباز شریف کو بھیج دی۔
سمری کے مطابق رحیم حیات قریشی کی برسلز میں پاکستانی سفیر اور سفیر برائے یورپی یونین تعیناتی کی تجویز دی گئی ہے۔
سمری میں زاہد حفیط چوہدری کی انڈونیشیا میں پاکستان کا نیا سفیرتعینات کرنے کی تجویز ہے۔
سمری کے مطابق عبدالحمید بھٹہ جاپان ، معظم شاہ جنوبی کوریا ، ملک فاروق جنوبی افریقا ، عادل گیلانی مراکش اور سید حیدر شاہ کو نیدرلینڈز میں پاکستان کاسفیر تعینات کرنے کی تجویز دی گئی ہے۔
اس کے علاوہ عادل شوکت مصر، مرغوب سلیم بٹ سوئٹزرلینڈ اور شہریار اکبر کو چیک ری پبلک میں سفیر تعینات کرنے کی تجویز دی گئی ہے۔
دفتر خارجہ کے مطابق سمری کی منظوری وزيراعظم شہباز شریف دیں گے۔