گورنمنٹ کالج کے طلبہ اور اساتذہ کا جناح ہائوس کا دورہ

لاہور(شوریٰ نیوز)گورنمنٹ کالج کے طلبہ اور اساتذہ نے جناح ہائوس کا دورہ ،کیا جناح ہائوس کی تباہی پر گہرے دکھ کا اظہار کیا، سیاسی دہشت گردی کی شدید مذمت ، شرپسندوں، سہولت کاروں اور منصوبہ سازوں کیخلاف سخت قانونی کارروائی کا مطالبہ کردیا۔گورنمنٹ کالج کے طلبہ اور اساتذہ کے وفد نے جناح ہاوس کی تباہی پر گہرے دکھ کا اظہار کرتے ہوئے سیاسی دہشت گردی کی شدید مذمت کی، ان کا کہنا تھا کہ بابائے قوم محمد علی جناح کی نوادرات کی بے توقیری اور قومی اثاثہ کی پامالی انتہائی شرمناک عمل ہے، منظم سازش کے تحت یہ تخریب کاری کی گئی ہے، اس کے منصوبہ ساز اور آلہ کار قانون کی گرفت میں آنے چاہئیں، بحیثیت طلبہ اور پاکستانی شہری ہم نوجوانوں کو نفرت کی بنیاد پر سیاست کرنے والے عناصر کی حوصلہ شکنی کرنی چاہیے، انہوں نے کہا کہ ہم پاک فوج کے شانہ بشانہ کھڑے ہیں اور شہیدوں کے درجات میں بلندی کے لیے دعاگو ہیں، لباء کے وفد نے شرپسندوں، سہولت کاروں اور منصوبہ سازوں کیخلاف سخت قانونی کاروائی کا مطالبہ کیا تاکہ آئندہ کوئی ایسی گھناونی حرکت کرنے کا سوچ بھی نہ سکے۔