اسلام آباد (شوریٰ نیوز)جج ہمایوں دلاور نے1 سال میں 7 مجرموں کو سزائے موت سنائی ،عمران خان کو سزا سنانے والےجج نے سماعت،فیصلوں سے 1717 پوائنٹس لئے ،توشہ خانہ کیس میں چیئرمین پاکستان تحریک انصاف (پی ٹی آئی) عمران خان کو سزا سنانے والے ایڈیشنل سیشن جج ہمایوں دلاور کی ایک سالہ کارکردگی رپورٹ سامنے آگئی۔ہمایوں دلاور نئی عدالت میں ٹرانسفرسے قبل جینڈربیسڈ وائلیشن کورٹ کے جج تعینات تھے۔وہ یکم اپریل2022 سے 13 اپریل2023 تک عدالت برائےصنفی امتیازمیں تعینات رہے۔ دستاویز کے مطابق جج ہمایوں دلاور نے ایک سال میں 1322 کیسز کی سماعت کی، انہیں کیسز کے حوالے سے 1235 پوائنٹس کا ہدف ملا۔ جج ہمایوں دلاور نے کیسزکی سماعت اور فیصلوں سے 1717 پوائنٹس حاصل کیے۔جج ہمایوں دلاور نے 114 ٹرائل اسٹیج میں داخل کیسزکے فیصلے کیے اور ایک سال میں 7 مجرمان کو سزائے موت سنائی، ایک سال میں جینڈر بیسڈ وائلیشن کورٹ میں11 مجرموں کو عمر قید کی سزا سنائی۔جج ہمایوں دلاور کی عدالت میں مشہور کیسز میں فرشتہ بی بی قتل کیس شامل ہے، اس کے علاوہ انہوں نے سکیورٹی گارڈ کی سویڈش خاتون سے زیادتی کیس کا بھی فیصلہ سنایا۔